Група интелектуалци Албанци од Македонија реагираат на „подмолното и скандалозно усвојување на Буџетот за 2013 година“. Во декларацијата потпишана од неколкумина интелектуалци, се вели дека на тој начин сериозно е повреден интегритетот на демократските институции и слободното изразување и претставување на граѓаните. На пратениците и членови на владата Албанци, кои беа присутни на седницата на која беше изгласан буџетот, тие им порачуваат дека имаат одговорност и национална и човечка обврска да кажат дека тоа не е направено во нивно име.