Властите во автономната област Курдистан на северот на Ирак соопштија дека го прекинуваат извозот на нафта поради спорот за плаќање со Багдад. Со тоа се засилуваат тензиите меѓу Курдите и централната ирачка влада предводена од Арапи. Од американската инвазија во 2003 година, Курдите унилатерално склучија повеќе од 50 договори со странски нафтени компании, а официјален Багдад тврди дека немаат право на тоа. Во 2011 година, двете страни се договорија Курдистан да ја испраќа нафтата во Багдад, продажбата да оди преку ирачката влада, а курдската влада да добива процент од продажбата. Курдските власти соопштија дека Багдад им должи околу 300 милиони долари.