Собранието на Македонија денеска треба да ја одржи 49 седница, на која на дневен ред, меѓу другото, се Предлогот за избор на судија на Уставниот суд, Предлог одлуката за избор на Народен правобранител, Предлогот за именување член на Регулаторната комисија за енергетика и Предлогот за огласување именување на Јавен обвинител. Собранието, како што е соопштено, треба да расправа и за измените и дополнувањата на Законот за персоналниот данок на доход, дополнетите предлог закони за дополнување на Законот за платниот промет и на Законот за трговските друштва.
