Египетската опозиција соопшти дека ќе ги повика граѓаните на бојкот на референдумот за контроверзниот предлог устав доколку судиите не го мониторираат процесот. Опозицијата бара учество и на меѓународни набљудувачи. Референдумот е закажан за 15 декември. Опозицијата тврди дека предлог уставот не ги гарантира правата за сите граѓани подеднакво и дека неправедно напишан од исламистичките сојузници на претседателот Мухамер Морси. Уставот беше и една од причините за неодамнешните масовни протести во земјата. Во меѓувреме египетската војска ги одложи планираните разговори со Морси и опозицијата.