Амбасадорите на земјите членки на ЕУ на синоќешниот состанок на Корепер 2 групата не успеаја да ги договорат заклучоците за Македонија во врска со предлогот на Европската комисија да се одреди датум за почеток на преговорите. Останува Советот за општи работи, односно министрите за надворешни работи и за европски прашања на земјите-членки на Европската унија во вторник да одлучи дали и кога Македонија ќе ги почне пристапните преговори за членство во Унијата.
