По синоќешните нереди во Марибор, словенечката полиција соопшти дека во болница се задржани 6-мина полицајци, повеќемина демонстранти, а биле уапсени 60 лица. Неколку илјади луѓе демонстрираа синоќа во Марибор барајки оставка од градоначалникот Франц Канглер, обвинувајки го за корупција. Притоа дошло до судири со полицијата, а демонстрантите кршеле излози, автобуски постојки, а запалиле и неколку контејнери.
