Турскиот премиер Реџеп Таип Ердоган во своето обраќање на петтиот Турско-арапски форум за соработка изјави дека со добивањето статус на земја набљудувач, нечленка, во Обединетите Нации ќе се отвори пат Палестина наскоро да стане и полноравна членка на светската организација. „Палестина е рана која крвари во душите, не само на луѓето во овој дел од светот, туку во душите на целото човештво. Иако треба да се постигне многу повеќе, сепак новиот статус ни дава надеж дека Палестина наскоро ќе стане целосно независна и суверена држава“ рече Ердоган.