Приврзаници на Српската радикална партија протестирале денеска пред зградата на српското претседателство во Белград поради ослободувањето на Рамуш Харадинај, при што го обвинија српскиот државен врв за предавство на националните интереси. Тие, како што јавуваат новинските агенции, притоа ги запалиле знамињата на САД и ЕУ. Полицајците ги спречиле учесниците во протестот да се приближат до зградата на Претседателството, а собирот продолжил со прошетка низ белградските улици.
