Иран побара од Меѓународната агенција за атомска енергија веднаш да ја затвори истрагата во врска со обвинувањата дека нуклеарната програма на Техеран има и воена димензија. Иранскиот амбасадор во агенцијата во Виена изјави денеска дека Иран веќе одговорил на сите прашања во врска со нуклеарните активности и оти нема ништо сомнително. Со оваа изјава се доведува во прашање најавениот договор за соработка меѓу Иран и Меѓународната агенција за атомска енергија, чии инспектори треба да допатуваат во Техеран на 13-ти наредниот месец.