Новиот специјален претставник на ЕУ за човекови права Ставрос Ламбринидис вети дека на состаноците со претставници на Русија и Казахстан ќе ги покрене прашањата за човековите права. Тој пред членовите на Европскиот Парламент изјави дека по 4 месеци откако е назначен на функцијата веќе стапил во контакт со колегите од Москва и Астана. Тој истакна дека ЕУ е загрижена околу новиот руски закон со кој им се отежнува живото на невладините организации кои доколку примаат донации од странство ќе треба да се регистрираат како странски агенти.