Еврокомесарот за проширување Штефан Филе денеска во Загреб изјави дека земјите од регионот кои целат кон членство во ЕУ треба да го искористат хрватското искуство и позитивниот замав кој ќе настане со влезот на Хрватска во Унијата на 1- ви јули 2013 година. Филе по разговорот со хрватскиот претседател Иво Јосиповиќ оцени дека земјата е на добар пат и дека е уверен оти е посветена на решавање на останатите прашања кои се нагласени во извештајот на Европската Комисија.