Британскиот весник „ Сандеј Тајмс“ денеска објави сторија според која израелските сателити детектирале ирански брод кој превезувал ракети и оружје кон Газа. Во новинскиот извештај е наведено дека ракетите биле натоварени на бродот во иранско пристаниште минатата недела во време кога е постигнато примирје меѓу милитантите од Хамас и Израел во Газа. Во продолжение е наведено дека станува збор за ракетите Фајр 5, истиот модел на ракети беа испукани пред две недели од Хамас кон Тел Авив.
