Најмалку 18 луѓе се повредени, една зграда е целосно уништена, а неколку други градби се оштетени во експлозија предизвикана од истекување природен гас во градот Спрингфилд западно од Бостон во сојузната држава Масачусец во САД. Во експлозијата нема загинати. Властите соопштија дека меѓу повредените има пожарникари и вработени во компанијата за дистрибуција на гас кои истражувале од каде протекува. Причините за протекувањето се уште се непознати.
