Египетската државна телевизија јави дека демонстранти денеска во три градови запалиле канцеларии на Партијата на слободата и правдата, која е политичко крило на Муслиманско братство. До ова дојде откако шефот на државата Мухамад Морси кој е од Муслиманско братство вчера ги прошири неговите ингеренции. По овој потег во Египет се одржуваат демонстрации за поддршка, но и против претседателот Морси. Според новинските агенции, во Александрија дошло и до судири меѓу двете страни.
