Американскиот претседател Барак Обама денеска во Мјанмар се сретна со опозиционата лидерка Аунг Су Ки во нејзиниот дом во Рангун. Обама оцени дека Су Ки е икона на демократијата, додавајки дека е многу важно во Мјанмар да продолжи процесот на демократизација. Американски претставници истакнуваат дека посетата на Обама на Мјанмар, прва на еден американски претседател, е знак на подршка на реформите во таа земја. Обама се состана и со претседателот на Мјанмар Теин Сеин, а е предвидено и да има обраќање во универзитетот во Рангун.