Египетскиот премиер Хешам Кандил денеска во Газа изјави дека неговата земја ќе вложи дополнителни напори за постигнување примирје, а израелската акција на палестинските територии ја оцени како агресија. Кандил кој во Газа разговараше со шефот на владата на Хамас Исамел Ханија додаде дека светот има одговорност да ги прекине нападите и го повика палестинскиот народ да се обедини.
