Министерот за надворешни работи, Никола Попоски утре ќе престојува во официјална посета на Виетнам и дводневна посета на Индонезија. Во соопштението на министерството е наведено дека Попоски на средбата со неговиот колега Фам Бин Мин ќе разговараат за актуелните билатерални прашања од интерес на двете земји, како и за можностите за унапредување на билатералната соработка меѓу Македонија и Виетнам, со посебен акцент на економската соработка и трговската размена.
