Во борбите меѓу сиријската војска и бунтовничките сили во близина на границата со Турција загинале 26 луѓе од кои десетина бунтовници, соопшти сиријската опсерваторија за човекови права. Турските медиуми јавија дека во текот на борбите од саскитани куршуми полесно биле ранети и петмина цивили. Сиријската државна телевизија пак јави дека владините сили убиле десетина терористи, додека другите избегале од Сирија.
