Палестинскиот претседател, Махмуд Абаз изјави дека нема право да се врати во својот град каде што го поминал детството а којшто сега се наоѓа во Израел. Во интервју за израелска телевизија, Абаз рече дека има право да го види градот Сафед но не и да живее во него. Барањето на милиони Палестинци да стекнат право да се вратат во своите матични места кои сега се во Израел е постојана пречка во мировните преговори за Блискиот Исток. Израел одбива секакво право на враќање.
