Поглаварот на Исламската верска заедница во Македонија Реис ул Улема Сулејман ефенди Реџепи денеска упати порака до муслиманите во која им го честита празникот Курбан Бајрам. Во пораката е наведено дека празникот Kурбан-бајрам го претставува исламскиот концепт за единство, кој треба да биде функционален и да се докаже во секојдневниот живот и да се манифестира насекаде каде што живеат и дејствуваат муслиманите. Toj ги повикува сите верници да бидат разумни, да се водат по начелата на Исламската вера, да култивираат хумани, и човечки вредности спрема сите, со посебен акцент, кон најблиските, соседите и сите оние што имаат потребa.