Анан: Македонија беше подготвена на решение, Грција не

Поранешниот генерален секретар на Обединетите нации Кофи Анан вчера во Вашингтон изјави дека спорот за името меѓу Македонија и Грција е единствен таков пример во историјата на една држава да се негира името од страна на нејзин сосед и оти Атина не била подготвена да се реши ова прашање. „Срамота е што ова прашање се одолговлекува толку долго, изјави Анан, одговорајќи на новинарско прашање за време на неговиот настап во институтот Брукингс во Вашингтон, додавајќи дека Македонија и Грција биле блиску до решавање на спорот во неговиот мандат и оти Македонија била подготвена на решение, но Грција не сакала да прифати.