Еврокомесарот за проширување Штефан Филе денеска во Приштина, по разговорите со косовскиот премиер Хашим Тачи, оцени дека Косово годинава постигна многу во приближувањето кон Европската унија. Тачи од своја страна изјави дека документот за физибилити студијата за Косово што во средата го донесе Европската комисија претставува прв историски акт за односите меѓу Унијата и Приштина. „Интеграцијата на Косово во ЕУ е наша визија и цел“ рече Тачи.
