Ватикан соопшти дека Папата Бенедикт XVI веројатно ќе го помилува неговиот поранешен батлер Паоло Габриеле кој денеска беше осуден на 18 месеци затвор поради тоа што украл доверливи папски документи и им ги дал на новинарите. Портпаролот на Ватикан, отец Федерико Ломбарди на новинарите им рече дека помилувањето е веројатно. Тој додаде дека осудениот Габриеле сè уште е во куќен притвор и оти не е однесен во затвор. Меѓу украдените документи што протекоа во медиумите имаше писма до Папата во кои има наводи за корупција во ватиканските бизнис делегации.