Сириските активисти за заштита на човекови права со седиште во Лондон денеска соопштија дека турски трупи отвориле оган кон границата со Сирија, при што загинал еден курдски милитант а ранети се двајца. Според тврдењата на активистите курдските милитанти патролирале покрај границата кога турските трупи отвориле оган. Во Москва рускиот заменик министер за надворешни работи Генади Гатилов изјави дека турските и сириските власти треба да покажат „максимална воздржаност“ поради растечкиот број на радикали од страна на сириската опозиција кои би можеле да испровоцираат конфликти во близина на границата.