Украинскиот парламент реши денеска да го повлече законот за криминализација на клеветата, кој претходно помина во прво читање. Одлуката доаѓа откако во Украина со денови протестираа новинари и медиумски активисти. Само вчера пред украинскиот парламент протестираа над 100 новинари. Во законот, подржан од владејачката партија, беше предвидено заострување на казните за клевета, вклучувајки и казна затвор до 5 години. Опозицијата и независните медиуми тврдеа дека овој закон е дел од блокадата на слободата на говорот пред парламентарните избори кои треба да се одржат во Украина на 28-ми овој месец.