Корупцијата во Бугарија е за два до трипати поголема од просекот во Европската унија. Според најновиот извештај на Центарот за проучување на демократијата со седиште во Софија, месечно во Буграија имало и по 150 илјади случаи на мито. „Бугарија е единствена европска земја каде што не е докажана политичката корупција“ се наведува во извештајот во кој се додава дека индексот на корупцијата во Бугарија е 25, додека во другите земји на Европската унија тој е осум. Единствени земји кои имаат поголем индекс се Романија со 31, и Литванија и Словачка со 27. Бугарија и Романија се под надѕор на Европската комисија поради недоволната ефикасност во борбата против корупцијата.
