Голем број луѓе, наводно, биле убиени или повредени во експлозија на бензинска пумпа во Сирија. Сириската опсерваторија за човекови права со седиште во Лондон цитира активисти кои велат дека експлозијата е предизвикана од страна на владините воздушни напади. Активистите изјавија дека најмалку 110 луѓе биле убиени или повредени во експлозијата. Местото Еин Асса каде се случила експлозијата е околу 40 километри одалечено од турската граница. Засега нема дополнителни детали за експлозијата.