Главниот обвинител на Египет побара да им се суди во земјата на седум египетски коптски христијани кои живеат во САД, а имаат врска со анти-исламскиот филм кој предизвика немири низ муслиманскиот свет. Обвинителите ги обвинуваат седумте Копти за богохулење, обиди да се раздели Египет и предизвикување на секташки раздор. Обвинителството соопшти дека на обвинетите може да им се суди во отсуство и може да се соочат со смртна казна. Најмалку 19 луѓе се убиени низ муслиманските земји, за време на протестите против видеото. Првите протести избувнаa во Каиро на 11 септември.
