Доследната определба за членство на Република Македонија во НАТО, како една од стратешките цели на државата за што има поддршка од граѓаните, е главната порака која денеска во Брисел ќе ја пренесат министерот за одбрана Фатмир Бесими и шефот на дипломатијата Никола Попоски. Двајцата ќе учествуваат на состанокот на Северно-атлантскиот совет. “Продолжуваме со промоција подготвеноста на Република Македонија за членство во НАТО, со учество во меѓународни мировни мисии, со донесување Стратегија за одбранбена дипломатија, како и промоција на Бела книга на одбраната” рече Бесими пред да отпатува за Брисел, промовирајки ја новата Агенда на Министерството за одбрана. Во неа се наведени над 50 проекти и иницијативи кои, според министерот, ќе го покренат Министерството и Генералштабот на АРМ да работат со уште поголемо темпо за да одговорат на законските обвски и останат постојан и кредибилен партнер на НАТО.
