Премиерот Никола Груевски испратил писмо до американскиот претседател Барак Обама по повод 11годишнината од нападите на 11 септември 2001 година. Во писмото Груевски во името на Владата на Македонија и во свое лично име, го изразува жалењето за загубените животи на тој ден. Во писмото се наведува и подготвеноста на Македонија и натаму да го презема својот дел на одговорноста во справувањето со сите форми на загрозување на мирот и сигурноста на глобален план.
