Во Соединетите Држави денеска се одбележува 11-годишнината од терористичките напади во кои загинаа околу 3.000 луѓе. Во Њујорк на местото на урнатиот Светски трговски центар ќе бидат читани имињата на загинатите. Церемонии ќе бидат одржани и во Пентагон, каде што ќе присуствува и американскиот претседател Барак Обама и во Пенсилванија, каде што исто така паднаа авиони.
