Портпаролот на руското министерство за надворшени работи Александар Лукашевич денеска во Москва изјави дека НАТО не извлекло поуки од неодамнешните настани во јужен Кавказ. Ова е реакција на изјавата на генералниот секретар Андерс Фог Расмусен за време на посетата на Тбилиси во минатата недела дека идниот дом на Грузија е НАТО. Лукашевич оцени дека ваквите изјави покажуваат оти Алијансата се уште не ги научи лекциите од трагичните настани во 2008 година и продолжува да испраќа охрабрувачки сигнали за Грузија. По кратката војна меѓу Русија и Грузија, Москва ги призна како независни грузиските региони Јужна Осетија и Абхазија.