Македонскиот министер за надворешни работи Никола Попоски учествува на стратегискиот форум, што се одржува во Блед, Словенија. Тој ќе има обраќање на тема „ЕУ, предизвици во Југоисточна Европа, еврокризата и привлечната моќ на ЕУ“, а на маргините, на собирот е предвидено да има и повеќе билатерални средби, меѓу кои со неговите колеги од Црна Гора, Словенија, Словачка и Косово, како и со претставници од повеќе меѓународни институции.