Во рускиот град Владивосток започна 24-oт годишен самит на Организацијата за Азиско-пацифичка економска соработка (АПЕК). Водечките функционери и лидери на 21 земја во Пацификот присуствуваат на еднонеделниот самит. На Самитот ќе се разговара за либерализација на трговијата, економската интеграција и за безбедноста на храната. Самитот е кулминација на едногодишното руско претседателствување со АПЕК.
