Бан Ки Мун се сретна со иранските власти

Генералниот секретар на ОН Бан Ки Мун кој е во посета на Техеран за Самитот на Движењето на неврзаните земји вети дека ќе го „притисне“ Техеран да ги почитува човековите права. Тој на прес конференција со иранскиот парламентарен спикер Али Лариџани, изјави дека разговарал за тоа како ОН да помогнат на Иран за да се подобри состојбата со човековите права. Извештаите велат дека Лариџани се намуртил на коментар на Бан Ки Мун. Генералниот секретар на ОН имаше средба и со иранскиот претседател Махмуд Ахмадинеџад и со врховниот лидер ајатолахот Али Камнеи, но нема детали од овие состаноци.