Во напад извршен со камион бомба во јужниот авганистански град Кандахар загинале четворица цивили, а дваесетина други биле ранети. Се претпоставува дека цел на нападот бил шефот на локалната полиција генерал Абдул Разик кој, според информациите, претрпел само полесни повреди. Досега никој не ја презеде одговорноста, но властите сметаат дека зад нападот стојат талибанците.
