Обвинителството на Хашкиот трибунал го одби барањето на поранешниот претседател на Република Српска, Радован Караџиќ за ново судење. Караџиќ го образложи барањето тврдејки дека сегашното судење е неправедно поради бројните пропусти на Обвинителството да ги објави доказните материјали. Хашкото обвинителство соопшти дека сегашниот судски процес против Караџиќ е праведен и дека истиот треба да продолжи.
