Американската војска казнила шестмина војници и тројца маринци за инволвираност во два инцидента кои предизвикаа немири меѓу населението во Авганистан годинава. Првиот инцидент беше во врска со објавувањето на видео снимка на интернет на која маринци уринираат на мртвите тела на талибански милитанти. Вториот инцидент настана поради палење на стотина копии на куранот од затворска библиотека во фебруари.
