Авганистанската разузнавачка служба соопшти дека клучниот командант на пакистанската милитантска мрежа Хагани, Бадрудин Хагани е убиен. Станува збор за синот на основачот на мрежата, Џалалудин Хагани кој се смета за виновен за нападите врз странските трупи во Авганистан. Од друга страна пак, новински агенции повикувајќи се на талибански извори тврдат дека тој се уште е жив. Информацијата за смртта на милитаристичкиот лидер се уште не е потврдена ниту од американските ниту од пакистанските власти.
