Во Иран се во тек операции за спасување на настраданите во двата земјотреса што ја погодија земјата во саботата во кои загинаа 20 лица, а над 2000 беа повредени. Министерот за внатрешни работи Мухамед Мустафа Наџар им рече на новинарите дека се завршени операциите за извлекување на преживеаните и дека во тек се операциите за обезбедување храна и за сместување. Повеќе од половина од 600 села колку што има во областа се разурнати, а на околу 16 000 лица им е потребно сместување а болниците се борат да се справат со повредените.