Спасувачките екипи во северозападниот дел на Иран се во потрага по преживеани од двата силни земјотреси што послeдователно ја потресоа земјата. Најмалку 250 луѓе загинаа, а повеќе од 1.800 се повредени. Заменик министерот за внатрешни работи Хасан Кадами соопшти дека биле погодени вкупно 110 села. Комуникацијата со многу села е прекината, а тоа ги отежнува и напорите за пронаоѓање на преживеани. Луѓето останале на отворено во текот на ноќта од страв да не има и други потреси. Иранскиот претседател Махмуд Ахмадинеџад ги повика властите да ги мобилизираат сите напори за да му се помогне на погоденото население.