Во првите шест месеци од оваа година Турција ја посетиле 12 милиони туристи, со што земјата се вбројува во групата на водечки туристички дестинации веднаш зад Италија, Франција и Шпанија, јави турската агенција Анадолија. Според податоците на турското Министерство за култура и туризам, туристите најчесто посетуваат седум региони во Турција, при што најпосетен е Истанбул, кој во првата половина од годината привлекол 4,2 милиони посетители. Најголемиот број од странските туристи во Турција потекнуваат од Германија, а по нив следуваат Русите и Британците.