Курдските бунтовници убиле еден турски војник, додека десетина други раниле во нападот извршен на југоистокот на Турција, јави турската државна телевизија, наведувајќи дека тоа се случило за време на вечерата, единствениот оброк дозволен за време на Рамазан. Курдските бунтовници веќе неколку децении се борат за отцепување на југоистокот на Турција. Официјална Анкара страхува дека граѓанската војна во Сирија ќе им послужи на курдските екстремисти да постават бази и во таа земја.
