Речиси 90 луѓе загинале во поплави во Северна Кореја предизвикани од силните дождови, јави севернокорејската државна агенција. Според агенцијата од дождовите во јули загинале 88 луѓе, а 60 илјади останале без своите домови. Уништено се и околу 4.800 хектари обработливо земјиште. Северна Кореја ја очекува нов недостаток на храна, затоа што поплавите и дождовите во јули, дојдоа по големата суша што ја зафати земјата. Според податоците на ОН две-третини од 24 милиони жители на земјата се соочуваат со хроничен недостаток на храна.
