Туркменистан соопшти дека ќе бара странски инвеститор за новиот гасовод што треба да ја поврзе Централна со Јужна Азија. Тамошните медиуми објавија дека власта наесен планира да им го претстави проектот на големите меѓународни компании за нафта и гас и на меѓународните финансиски институции. Туркменистан во мај потпиша договори со Индија и Пакистан за испорака на гас преку новиот 1.700 километри долг гасовод ТАПИ(Туркменистан - Авганистан - Пакистан - Индија).