Премиерот на Бугарија денеска изјави дека бугарските власти се уште не се во можност да го потврдат идентитетот на бомбашот самоубиец кој уби пет израелски туристи и бугарски возач на автобус минатата недела. Бојко Борисов рече дека истражители ги провериле отпечатоците од прсти и примероци од ДНК на бомбаш самоубиец со базите на податоци низ целиот свет, но не можеле да најдат ништо. Премиерот на Бугарија изјави дека бомбашот самоубиец имал соучесници и можел да влезе во Бугарија од било која земја од Шенген зоната. Бугарските медиуми јавуваат дека полицијата истражува вмешаноста на уште две лица во експлозијата на автобус во Бургас.
