Напаѓачот од Колорадо осомничен за убиството на 12 и за ранување на 58 луѓе во кино во Аурора денеска за првпат се појави пред суд. Џејмс Холмс се појави во судот со коса обоена во светло портокалова боја. Тој ќе биде официјално обвинет следниот понеделник. На Холмс кој е 24-годишен студент му е доделен јавен бранител. Холмс во четвртокот нападна луѓе кои гледале премиера на филм во Аурора, предградие на Денвер. Полицијата се уште трага по мотив за злосторството.
