Италијанскиот премиер Марио Монти денеска ќе отпатува во прва официјална посета на Русија. За време на дводневната посета Монти треба да го посети црноморското пристаниште Сочи и да се сретне со рускиот претседател Владимир Путин и со премиерот Дмитриј Медведев. На дневниот ред на разговорите меѓу Монти и руското раководство се меѓународни проблеми, како што се должничката криза во еврозоната, партнерство на Русија со Европската унија и НАТО и влошување на безбедносната ситуација во Сирија. Се очекува да бидат потпишани и неколку договори меѓу руски и италијански компании.