Шпанската полиција изутрината во центарот на Мадрид употреби гумени куршуми против демонстрантите кои протестираа против мерките за штедење во земјата. Во 80 градови во Шпанија се одржаа големи протести во кои учествуваа неколку стотици илјади луѓе. Има извештаи дека гумени куршуми полицијата употребила и во Барселона. До протестите доаѓа откако владејачката Народна партија го искористи мнозинството во парламентот и вчера ги изгласа острите мерки за штедење. Со нив, меѓу другото, се предвидува зголемување на даноците и намалување на платите на државните службеници.
