Јајхага против автономија или посебен статус за северот

Претседателката на Косово Атифете Јахјага денеска во Брисел изјави дека при решавањето на прашањето на северот на Косово, никогаш не помислила на специјален статус или на автономија. Таа изјавила дека за тоа прашање не може да се разговара со Белград, затоа што северот е уставен дел на Косово. Претседателот на Европскиот совет Херман ван Румпуј повика тоа прашање да се реши меѓу Белград и Приштина. А, претседателот на ЕК, Жозе Мануел Баросо рече дека сите прашања треба да се решат низ добрососедски односи.